मंदीरातील दैनंदिन कार्यक्रम

सुखकर्ता दुःखहर्ता वार्ता विघ्नाची । नुरवी पुरवी प्रेम कृपा जयांची ।।
सर्वांगी सुंदर उटी शेंदुराची । कंठी शोभे माळ मुक्ता फळांची ।।१।।
जयदेव जयदेव जय मंगलमुर्ती । दर्शन मात्रे मन कामनापुर्ती ।।धृ।।
रत्नखचित फरा तुज गौरी कुमरा । चंदनाची उटी कुंकुंम केशरा ।।
हिरे जड़ित मुकुट शोभे तो बरा । रुण झुणती नुपुरे चरणी घागरिया ॥२॥ जयदेव ।।धृ।।
लंबोदर पितांबर फणीवर बंधन । सरळ सोंड वक्रतुंड त्रिनयना ।।
दास रामाचा वाट पाहे सदना । संकटी पावावे निर्वाणी रक्षावे सुखवर वंदना ।।३।। जयदेव ।।धृ।।

जय देव जय देव जय जय गोपाला ।
स्वामी गोपाला सदगुरूनाथ दिगंबर मुर्ति जगपाला ।।धृ।।
पापविनाशक नाशिक सान्निध गोदातिरी । श्रीचे दर्शन घेता सकल विघ्ने हरती ।
सान्निध्य रम्य तपोवन पंचवटी वदती । वेदे वर्णन करिती कुंठित होय मती ।।१।।
जयदेव, जयदेव ।।धृ।।
पुर्ण ब्रम्ह सनातन राम वसे जेथे । तत्सान्निध राहुनिया करसि महातप ते ।
दर्शन घेता प्राणी पावति मुक्ती ते । वाटे नृसिंह रूपचि अवतरले तेथे ।।२।।
जयदेव, जयदेव ।।धृ।।
नेणोमुढ आम्ही जन अघटित तव महिमा । दासा सत्कृपा होऊनि पुर्ण करी कामा ।
ज्ञानामृत पाजुनिया वाढवि मनि प्रेमा । दत्त ओवाळीतो आरती पदप्रभा ।।३।।
जयदेव, जयदेव ।।धृ।।

ओवाळू आरती माझ्या सद्गुरूनाथा ।। बाबा जंगली
देवा पंचही तत्वाचा दिप लाविला आता ।।धृ।।
निर्गुणाची स्थिती कैसी आकारा आली, बाबा आकारा आली ।
सर्वाघटी भरुनी उरली माझी जंगली माऊली ।।१।।
रज तम सत्व रिघे माया उद्भवली ।
मायेच्या पोटी कैसी माया प्रसावली ॥२॥
सद्भाव सागरी कैसा खेळ मांडीला, बाबा खेळ मांडिला ।
खेळ खेळुनिया अवघा विस्तार केला ।।३।।
आम्हा वाटते रात्रदिन रूप पहावे । बाबा गुणगात रहावे ।
वाणी दासाची वाट देवाची ऐसे नाम व्हावे ।।४।।
ब्रम्हांडाची रचना बाबा दाखवा डोळा । बाबा दाखवा डोळा ।
दास म्हणे स्वामी माझा कृपाळू भोळा ।।५।।
ब्रम्हा, विष्णु, महेश तुझे ध्यान करिती सदा । बाबा रूप पाहती सदा ।
ब्रम्हादिकांचा आधार तु प्रभु जंगली देव माझा ।।६।।

कापुराची आरती करितो प्रेमे सदगुरूला, भावे सदगुरूला
सच्चिदानंदे रूप पाहुनी आनंद झाला ।।१।।
देह कर्दळी उकळवुनी शुध्द कापुर काढीला ।
भक्ती वडी ही घेऊनी हाती लावू ज्योतीला ॥२॥।
ज्ञान ज्योती लावुनिया ओवाळू हरिला ।
चिन्मय रूप पाहुनी तनमय होती हरूला ।।३।।
कापुराची आरती करितो प्रेमे सदगुरूला, भावे सदगुरूला
सच्चिदानंदे रूप पाहुनी आनंद झाला ।।४।।

सदा सर्वदा योग तुझा घडावा । तुझे कारणी देह माझा पडावा ।
उपेक्षु नको गुणवंता अनंता । रघुनायका मागणे हेच आता ।।
ज्या ज्या ठिकाणी मन जाये माझे । त्या त्या ठिकाणी निजरुप तुझे ।
मी ठेवितो मस्तक ज्या ठिकाणी । तेथे तुझे सदगुरू पाय दोन्ही ।।
सदगुरू समर्था मी बाळ तान्हे । तुझीच सेवा करू काय जाणे ।
अन्याय माझे कोट्यान् कोटी । सदगुरू समर्था घालावे पोटी ।।

हे सदगुरू गोपालदासा सर्वांना आरोग्य, ऐश्वर्य, सुख, शांती, समाधान द्या, सर्वांचे कल्याण करा, हीच तुमच्या चरणी प्रार्थना ।।
श्री सदगुरू नरसिंग महाराज की जय ।।